ភ្នំពេញ: ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង សម្តេចព្រះវររាជមាតាជាតិខ្មែរ បានយាងគោរពវិញ្ញាណក្ខន្ធចំពោះសពអ្នកឧកញ៉ាមហាភក្តីសប្បុរិសភោគាធិបតី ហ៊ុន នាង ជាបិតាបង្កើតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា នាព្រឹកថ្ងៃទី១៣ ខែកក្កដា ឆ្នាំ២០១៣ នៅភូមិគ្រឹះសម្តេចតេជោ ហ៊ុន សែន នាវិមានឯករាជ្យ។
ថ្ងៃទី១៣ ខែ កក្កដា ២០១៣ ជាថ្ងៃទី ២ ហើយនៃពិធីបុណ្យសពរបស់អ្នកឧកញ៉ាមហាភក្តីសប្បុរិសភោគាធិបតី ហ៊ុន នាង បិតាបង្កើតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ពិធីបុណ្យដ៏មហោឡារិកនាភូមិគ្រឹះសម្តេចតេជោសែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន វិមានឯករាជ្យនាថ្ងៃនេះ ជាថ្ងៃរៀបចំសម្រាប់កម្មវិធីគោរពវិញ្ញាណក្ខន្ធសព អ្នកឧកញ៉ាមហាភក្តីសប្បុរិសភោគាធិបតី ហ៊ុន នាង ទទួលមរណភាព កាលពីវេលាម៉ោង៤និង១០នាទីទៀបភ្លឺ ថ្ងៃទី១២ ខែកក្កដា ម្សិលមិញនេះដោយជរាពាធ
ក្នុងជន្មាយុ ៩០ ឆ្នាំ។
ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះវររាជមាតាជាតិខ្មែរ បានយាងចូលរួមសំដែងនូវសមាណទុក្ខជាមួយក្រុមគ្រួសារ របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅទីនោះក្រៅពីសំដែងនៅសមាណទុក្ខចំពោះក្រុមគ្រួសារសព។ ព្រះមហាក្សត្រ និង សម្តេចម៉ែ បានព្រទាន ធូប ទៀន គោរពវិញ្ញាណក្ខន្ធចំពោះសពអ្នកឧកញ៉ាមហាភក្តីសប្បុរិសភោគាធិបតី ហ៊ុន នាង។
ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះវររាជមាតាជាតិខ្មែរ បានយាងចូលរួមសំដែងនូវសមាណទុក្ខជាមួយក្រុមគ្រួសារ របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅទីនោះក្រៅពីសំដែងនៅសមាណទុក្ខចំពោះក្រុមគ្រួសារសព។ ព្រះមហាក្សត្រ និង សម្តេចម៉ែ បានព្រទាន ធូប ទៀន គោរពវិញ្ញាណក្ខន្ធចំពោះសពអ្នកឧកញ៉ាមហាភក្តីសប្បុរិសភោគាធិបតី ហ៊ុន នាង។
នាឱកាសនោះព្រះមហាក្សត្រ និង សម្តេចម៉ែ បានសំដែងនូវព្រះទ័យសោកសៅ និងចូលរួមសោកស្តាយ ជាមួយសម្តេចតេជោ ហ៊ុន សែន និង ក្រុមគ្រួសារ ដែលបានបាត់បង់នៅបិតា ជីតា ជីតាទួត ជាទីស្រឡាញ់ និង ជាទីគោរព។ ព្រះមហាក្សត្រ និង សម្តេចម៉ែ បានមានព្រះបន្ទូលទៀតថា មរណភាពនេះ គឺជាការបាត់បង់បិតា ជីតា ជីតាទួត ដ៏ល្អ ជាទីស្រលាញ់ និងជាទីគោរពដ៏ជ្រាលជ្រៅជាទីបំផុតរបស់សម្តេច សម្តេចកិក្តិព្រឹទ្ធបណ្ឌិត និងបុត្រា បុត្រី ព្រមទាំងចៅប្រុសចៅស្រីទាំងអស់។
ព្រះមហាក្សត្រ និង សម្តេចម៉ែ បានបួងសួងឲ្យវិញ្ញាណក្ខន្ធរបស់អ្នកឧកញ៉ាមហាភក្តីសប្បុរិសភោគាធិបតី បានទៅសោយសុខក្នុងសុគតិភពកុំបីឃ្លៀងឃ្លាតឡើយ។
នៅព្រឹកថ្ងៃដដែលនេះ គឺបានចាប់ផ្តើមតាំងពីម៉ោង ៧ ព្រឹកដោយមានថ្នាក់ដឹកនាំសំខាន់ៗ ប្រតិភូក្រសួងព្រះបរមរាជវាំង ដឹកនាំដោយសម្តេចចៅហ្វាវាំង គង់ សំអុល ឧបនាយករដ្ឋមន្ត្រីរដ្ឋមន្ត្រីព្រះបរមរាជវាំង , ប្រតិភូរដ្ឋសភា ដឹកនាំដោយសម្តេចអគ្គមហាពញាចក្រី ហេង សំរិន ប្រធានរដ្ឋសភាជាតិ , ស្ថាប័នព្រឹទ្ធសភា ដឹកនាំដោយលោក សាយ ឈុំ អនុប្រធានទី១ ព្រឹទ្ធសភា , ប្រតិភូរបស់គណបក្សប្រជាជនកម្ពុជា ដឹកនាំដោយលោក ទេព ងន សមាជិកអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា , គណៈប្រតិភូក្រសួងការបរទេស និងសហប្រតិបត្តិការអន្តរជាតិ ដឹកនាំដោយលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស និង សហប្រតិបត្តិការអន្តរជាតិ , ប្រតិភូតុលាការកំពូល, សាលាឧទ្ទរ , និង សាលាដំបូងដឹកនាំដោយលោក ឌិត មន្ទីរ , គណៈប្រតិភូក្រសួងទំនាក់ទំនងជាមួយរដ្ឋសភា ព្រឹទ្ធសភា និង អធិការកិច្ច ដឹកនាំដោយលោកឧបនាយករដ្ឋមន្ត្រី ម៉ែន សំអន , គណៈប្រតិភូក្រសួងការពារជាតិដឹកនាំដោយលោក ឧបនាយករដ្ឋមន្ត្រី ទៀ បាញ់ , ហើយសម្រាប់ ប្រតិភូចុងក្រោយគេដែលអញ្ជើញមកគោរពអ្នកឧកញ៉ាមហាភក្តីសប្បុរិសភោគាធិបតី ហ៊ុន នាង នៅភូមិគ្រឹះរបស់សម្តេចតេជោសម្រាប់ព្រឹកនេះ គឺជាប្រតិភូរបស់កាកបាទក្រហមកម្ពុជា ដឹកនាំដោយសម្តេចចៅហ្វាវាំង គង់ សំអុល៕
ព្រះមហាក្សត្រ និង សម្តេចម៉ែ បានបួងសួងឲ្យវិញ្ញាណក្ខន្ធរបស់អ្នកឧកញ៉ាមហាភក្តីសប្បុរិសភោគាធិបតី បានទៅសោយសុខក្នុងសុគតិភពកុំបីឃ្លៀងឃ្លាតឡើយ។
នៅព្រឹកថ្ងៃដដែលនេះ គឺបានចាប់ផ្តើមតាំងពីម៉ោង ៧ ព្រឹកដោយមានថ្នាក់ដឹកនាំសំខាន់ៗ ប្រតិភូក្រសួងព្រះបរមរាជវាំង ដឹកនាំដោយសម្តេចចៅហ្វាវាំង គង់ សំអុល ឧបនាយករដ្ឋមន្ត្រីរដ្ឋមន្ត្រីព្រះបរមរាជវាំង , ប្រតិភូរដ្ឋសភា ដឹកនាំដោយសម្តេចអគ្គមហាពញាចក្រី ហេង សំរិន ប្រធានរដ្ឋសភាជាតិ , ស្ថាប័នព្រឹទ្ធសភា ដឹកនាំដោយលោក សាយ ឈុំ អនុប្រធានទី១ ព្រឹទ្ធសភា , ប្រតិភូរបស់គណបក្សប្រជាជនកម្ពុជា ដឹកនាំដោយលោក ទេព ងន សមាជិកអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា , គណៈប្រតិភូក្រសួងការបរទេស និងសហប្រតិបត្តិការអន្តរជាតិ ដឹកនាំដោយលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស និង សហប្រតិបត្តិការអន្តរជាតិ , ប្រតិភូតុលាការកំពូល, សាលាឧទ្ទរ , និង សាលាដំបូងដឹកនាំដោយលោក ឌិត មន្ទីរ , គណៈប្រតិភូក្រសួងទំនាក់ទំនងជាមួយរដ្ឋសភា ព្រឹទ្ធសភា និង អធិការកិច្ច ដឹកនាំដោយលោកឧបនាយករដ្ឋមន្ត្រី ម៉ែន សំអន , គណៈប្រតិភូក្រសួងការពារជាតិដឹកនាំដោយលោក ឧបនាយករដ្ឋមន្ត្រី ទៀ បាញ់ , ហើយសម្រាប់ ប្រតិភូចុងក្រោយគេដែលអញ្ជើញមកគោរពអ្នកឧកញ៉ាមហាភក្តីសប្បុរិសភោគាធិបតី ហ៊ុន នាង នៅភូមិគ្រឹះរបស់សម្តេចតេជោសម្រាប់ព្រឹកនេះ គឺជាប្រតិភូរបស់កាកបាទក្រហមកម្ពុជា ដឹកនាំដោយសម្តេចចៅហ្វាវាំង គង់ សំអុល៕
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
