ភ្នំពេញ ៖ បុរសម្នាក់ត្រូវបានឪពុកម្ដាយខាងស្រីប្តឹងសមត្ថកិច្ចប៉ុស្តិ៍កាកាបឲ្យឃាត់ខ្លួនបន្ទាប់ពីកូនស្រីបាននិយាយពីរឿងដែលខ្លួនរួមមេត្រីជាមួយនឹងបុរសរូបនោះ។
ហេតុការណ៍ឪពុកម្តាយខាងស្រីប្តឹងសមត្ថកិច្ចឲ្យឃាត់ខ្លួននេះ បានកើតឡើងនៅថ្ងៃទី១០ខែកក្កដាឆ្នាំ២០១៣។ ជនសង្ស័យដែលត្រូវឃាត់ខ្លួននោះមានឈ្មោះស៊ុនតូទីនអាយុ២០ឆ្នាំមុខរបរជាអ្នកលក់កាសែតមានទីលំនៅក្នុងភូមិសំរោងទាវ សង្កាត់ក្រាំងថ្នុង ខណ្ឌពោធិ៍សែនជ័យ។ ចំណែកជនរងគ្រោះឈ្មោះល.ស.ដភេទស្រីអាយុ១៤ឆ្នាំមុខរបរកម្មកររោងចក្រស្នាក់នៅផ្ទះជួលក្នុងភូមិប៉ប្រកខាងជើង សង្កាត់កាកាប ខណ្ឌពោធិ៍សែនជ័យ។ តាមប្រភពព័ត៌មានពីសមត្ថកិច្ចបានឲ្យដឹងថានៅថ្ងៃទី២៥ ខែមិថុនា ជនសង្ស័យបានទូរស័ព្ទបបួលជនរងគ្រោះទៅហូបអីៗមួយភ្លែត ជនរងគ្រោះក៏យល់ព្រម។ បន្ទាប់មកជនសង្ស័យបានជិះកង់ទៅជួបនាងតាមផ្លូវ នាងក៏ជិះកង់ដែរ។ ប្រភពដដែលបានបន្តទៀតថាបន្ទាប់មកពួកគេបាននាំគ្នាជិះកង់ទៅចូលក្នុងផ្ទះសំណាក់ដែលមានយីហោដីមាសមានទីតាំងនៅភូមិតាងួន សង្កាត់កាកាប ហើយបានរួមមេត្រីបានសម្រេច២លើក។រហូតមកដល់ថ្ងៃទី១០ខែកក្កដានាងបាននិយាយប្រាប់ឪពុកម្តាយឲ្យបានដឹងបន្ទាប់មកក៏បាននាំខ្លួនជនសង្ស័យមកប្រគល់ឲ្យសមត្ថកិច្ចឃាត់ខ្លួនតែម្តង៕
ប្រភព កម្ពុជាថ្មី
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
