ភ្នំពេញ៖អតីតតារាចម្រៀងកញ្ញា ពៅ បញ្ញាពេជ្រ ដែលកំពុងសម្រាកព្យាបាលរបួស ដែលរងពីការបាញ់ប្រហារនាពេលប៉ុន្មានឆ្នាំមុននោះនៅទីក្រុងភ្នំពេញ បានឆ្លើយឆ្លងសម្តីគ្នាជាមួយអតីតតារាចម្រៀង កញ្ញា ទូច ស៊ុននិច ដែលកំពុងសម្រាកព្យាបាលរបួសពីការបាញ់ប្រហារដូចគ្នា នៅក្រៅប្រទេសនោះ បានផ្ញើសារសួរសុខទុក្ខគ្នាទៅវិញទៅមកតាមរយៈ បណ្តាញទំនាក់ទំនងសង្គម ហ្វេសប៊ុក កាលពីពេលថ្មីៗនេះ ខណៈដែលកញ្ញា ទូច ស្រីនិចបានចូលរួមរំលែកទុក្ខ ដោយផ្ញើប្រាក់មួយចំនួនដល់នាង (ពៅ បញ្ញាពេជ្រ) ហើយ កញ្ញា ពៅ បញ្ញាពេជ្រ ក៏បានថ្លែងសេចក្តីអរគុណយ៉ាងធំធេងចំពោះកញ្ញា ទូច ស៊ុននិច និងលោក សុះ ម៉ាច ដែលបានផ្តល់ថវិកាដល់នាង។
កាលពីថ្ងៃទី១១ ខែកក្កដា ឆ្នាំ២០១៣ កន្លងទៅនេះ អតីតតារាចម្រៀង កញ្ញា ពៅ បញ្ញាពេជ្រ ដែលកំពុងសម្រាកព្យាបាលរបួស ដែលរងពីការបាញ់ប្រហារនាពេលប៉ុន្មានឆ្នាំមុននោះនៅទីក្រុងភ្នំពេញ នាងបានសរសេរសារអរគុណមួយទៅដល់បណ្តាសប្បុរសជនមួយចំនួន ដែលបានផ្តល់ថវិកាដល់នាង ក្នុងន័យជួយរំលែកបន្ទុក ដែលនាងកំពុងខ្វះខាតក្នុងការព្យាបាលរបួសនៅគ្លីនិកឯកជនមួយនៅទីក្រុងភ្នំពេញ។ នៅក្នុងសារលើហ្វេសប៊ុក ពៅ បញ្ញាពេជ្រ នាងបានថ្លែងអរគុណដល់កញ្ញា ទូច ស្រីនិច ផងដែរ ដែលបានផ្តល់ថវិកាមួយចំនួនដល់នាង។
ខាងក្រោមនេះ “ថ្មី” សូមចុះផ្សាយពាក្យពេចន៍ទាំងស្រុងរបស់ ពៅ បញ្ញាពេជ្រ ដែលបានសរសេរលើហ្វេសប៊ុក របស់នាង ដោយរក្សាសំណៅដើមដូចតទៅៈ “ថ្ងៃនេះនាងខ្ញុំសូមអរគុណដល់បប្រុស Sos Mach ដែរបានផ្តល់ថវិការនិងបាននាំយកនូវថវិការបងស្រី Touch Sunnix មកជូនដល់នាងខ្ញុំ ទោះបីមានចំនួនតិចតួចក៏ពិតមែន តែនេះ ជាទឹកចិត្តដែរមិនអាចកាត់ថ្លៃបាន អ្វីដែរជាការជូនពរ របស់ប្អូន សូមអោយបងស្រីឆាប់ជា និងដើរបានវិញ។ ដោយទ្បែក នៅថ្ងៃ ទី 08.07.2013 ក៏សូមអរគុណព្រះគុណព្រះតេជគុណ Reahul Komarដែលលោកមានចិត្តជ្រះថ្លា បានបរិច្ចាកដល់នាងខ្ញុំ 100$ នាងខ្ញុំសូមអរព្រះគុណ និង សុមអរគុណ…។
លើសពីនេះ ពៅ បញ្ញាពេជ្រ និង ទូច ស៊ុននិច បានសរសេរពាក្យអរគុណ និងជូនពរគ្នាទៅវិញទៅមកទៀតផង បញ្ជាក់ពីការនឹករលឹករកគ្នា ខណៈដែលពួកគេជាជនរងគ្រោះក្នុងអំពើដ៏អយុត្តិធម៌ នៅមិនទាន់បានរកការពិតឃើញនៅឡើយដូចគ្នា។
គួរំលឹកថា ខណៈពេលដែលកំពុងតែទទួលបានភាពល្បីល្បាញជាច្រើនឆ្នាំជាប់ៗគ្នាលើវិថីតារា និងកំពុងលេចចេញនូវសម្រស់កាន់តែក្មេងខ្ចីតារាចម្រៀង ពៅ បញ្ញាពេជ្រ ត្រូវបានខ្មាន់កាំភ្លើងមិនស្គាល់អត្តសញ្ញាណបាញ់ប្រហារមកលើរូបនាងយ៉ាងសាហាវកាលពីថ្ងៃទី២៣ កុម្ភៈ ឆ្នាំ២០០៧ នៅវេលាម៉ោង៦ និង២០នាទីព្រឹកនៅមុខសាលាភាសាបរទេសមួយ ក្បែររបងក្រសួងឧស្សាហកម្មរ៉ែ និងថាមពល បណ្តាលឲ្យតារារូបនេះទទួលរងរបួសយ៉ាងធ្ងន់ធ្ងរនិងត្រូវក្រុមគ្រួសារបញ្ជូនទៅព្យាបាលនៅប្រទេសវៀតណាម ចុងក្រោយបន្តទៅប្រទេសថៃហើយនៅពេលនេះនាងបានវិលមកកម្ពុជាវិញ៕
ប្រភពៈ ថ្មីៗ
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
