ព្យុះខ្សាច់ជាទ្រង់ទ្រាយធំមួយបានឆ្លង កាត់តំបន់មួយស្ថិតនៅរដ្ឋអារីហ្សូណា សហរដ្ឋអាមេរិកកាលពីថ្ងៃទី១៥កក្កដា បង្កឱ្យប្រព័ន្ធអគ្គិសនីនៅតំបន់មួយចំនួន ត្រូវកាត់ផ្ដាច់ និងមើលមិនឃើញផ្លូវ ដោយសារតែព្យុះខ្សាច់គ្របដណ្ដប់ ។
ព្យុះខ្សាច់បានចាប់ផ្ដើមចេញពីស្រុក Pinal នៃរដ្ឋអារីហ្សូណា ហើយធ្វើដំណើរ ឆ្ពោះទៅទិសពាយ័ព្យ ដោយឆ្លងកាត់៣ ស្រុក គឺស្រុក Mesa , Chandler និង Gilbert។ ព្យុះខ្សាច់នោះមានចម្ងាយដល់ ទៅ១៦គីឡូម៉ែត្រ ធ្វើឱ្យកម្រិតនៃការ មើលផ្លូវខាងមុខមិនបានឆ្ងាយនោះឡើយ បង្កការរាំងស្ទះយ៉ាងខ្លាំងដល់ចរាចរនានា ក្នុងតំបន់។ ព្យុះខ្សាច់បានធ្វើឱ្យជើងហោះ ហើរមួយចំនួននៅអាកាសយានដ្ឋាន Phoenix-Mesa ។
ព្យុះខ្សាច់តែងតែកើតឡើងជាញឹក ញាប់នៅអាមេរិក ។ មូលហេតុដោយ សារតែអាកាសធាតុក្ដៅខ្លាំងនិងពេល មានខ្យល់កួចខ្លាំងអាចកួចនាំយកខ្សាច់ ពីវាលរហោស្ថានឡើងទៅលើអាកាស បង្កឱ្យមានរលកខ្សាច់ជាទ្រទង់ទ្រាយធំ បក់បោកតាមជំនោរទិសខ្យល់ ប៉ះពាល់ ដល់ការរស់នៅរបស់ពលរដ្ឋនៅក្បែរនោះ ៕
ប្រភពៈ នគរវត្ត
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
