កំពង់ធំ ៖ កាលពីវេលាម៉ោង៧ និង ០០ នាទីព្រឹកថ្ងៃទី១១ ខែកក្កដា ឆ្នាំ២០១៣ មានករណីគ្រោះថ្នាក់ចរាចរមួយបានកើតឡើងនៅលើកំណាត់ផ្លូវជាតិលេខ71 ត្រង់ចំណុចភូមិតាឌុក ឃុំបល្ល័ង្ក ស្រុកបារាយណ៍ ខេត្តកំពង់ធំបណ្តាលមកពីរថយន្តក្រុងដឹកសិស្សសាលា ICC ផ្តាច់ជីវិតរបស់បុរសកំសត់សង់កូរ៉េ បណ្តាលឲ្យស្លាប់ភ្លាមៗនៅនឹងកន្លែងកើតហេតុ។
តាមប្រភពព័ត៌មានបានឲ្យដឹងថា មុនពេលកើតហេតុមានម៉ូតូសង់កូរ៉េ ពណ៌ស្លាទុំពាក់ស្លាកលេខកំពង់ធំ1c 5379 បើកបរបញ្ច្រាសទិសគ្នាពីជើងទៅត្បូងជាមួយនឹងរថយន្តសាលារៀន ICC ពាក់ស្លាកលេខភ្នំពេញ 3-0243ម៉ាក kia24 កៅអីពណ៌សឆ្នូតខ្មៅលុះមកដល់ចំនុចកើតហេតុ ក៏បុកគ្នាបណ្ដាលឲ្យមានមនុស្សស្លាប់ម្នាក់ និង របួសធ្ងន់ឈ្មោះជឹមមានភេទប្រុសអាយុ24ឆ្នាំ ត្រូវបានបងប្អូនដឹកមកសង្គ្រោះនៅមន្ទីពេទ្យបង្អែកស្រុកបារាយណ៍ត្រពាំងស្វាយ តៃកុងម៉ូតូដែលស្លាប់មានឈ្មោះស្រី ណូន ភេទ ប្រុសអាយុ45ឆ្នាំ រស់នៅភូមិចើងដើងឃុំចើងដើងស្រុកបារាយណ៍ ខេត្តកំពង់ធំ ។
រីឯម្ចាស់រថយន្តបានបើករថយន្តរត់ទៅដល់ផ្លូវបំបែក102 ចតរថយន្តចោល ក៍ដាក់មេព្រូចបាត់ស្រមោលឆឹង រថយន្ត និង ម៉ូតូត្រូវបានប៉ូលិសនៃអធិការដ្ឋាននគរបាលចរាចរស្រុកបារាយណ៍នាំយកទៅអធិការ ដ្ឋានស្រុកបារាយណ៍ដើម្បីដោះស្រាយទៅតាមផ្លូវច្បាប់៕
ប្រភព កម្ពុជាថ្មី
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
