ភ្នំពេញៈ ជនជាប់ចោទ ៧ នាក់រួមមានស្ត្រីពីរនាក់ ត្រូវបានសាលាដំបូងរាជធានីភ្នំពេញ កាលពីថ្ងៃពុធទី ១០ ខែ កក្កដានេះ បានសម្រេចផ្តន្ទាទោសដាក់ពន្ធនាគារម្នាក់ៗ ចំនួន ២ ទៅ ៥ ឆ្នាំពីបទជួញដូរ និងចែកចាយគ្រឿងញៀន ប្រព្រឹត្តនៅក្នុងផ្ទះសំណាក់យីហោ «Gold House II» ស្ថិតនៅក្នុងខណ្ឌទួលគោក រាជធានីភ្នំពេញ កាលពីថ្ងៃទី២៥ ខែវិច្ឆិកា ឆ្នាំ២០១២។
លោកស្រី គឹម ដានី ប្រធានក្រុមប្រឹក្សាចៅក្រមនៃសាលាដំបូងរាជធានីភ្នំពេញបាន ប្រកាសសាលក្រមថាៈ «តុលាការសម្រេចផ្តន្ទាទោស ឈ្មោះ ពេញ សុខុម ភេទស្រីអាយុ ២៩ឆ្នាំ ឲ្យជាប់ពន្ធនាគារ រយៈពេល ២ ឆ្នាំ តែ អនុវត្តទោសត្រឹមតែ១ ឆ្នាំ ប៉ុណ្ណោះ ទោសនៅសេសសល់ ត្រូវព្យួរទាំងអស់។ ផ្តន្ទាទោស ឈ្មោះ ប៉ក់ សាត ភេទប្រុស អាយុ ៤០ឆ្នាំ ឈ្មោះ គង់ សុវណ្ណារ៉ា ភេទប្រុស អាយុ ២៤ឆ្នាំ និងឈ្មោះ លី ម៉ាច ភេទស្រីអាយុ ៥៥ឆ្នាំ ឲ្យជាប់ពន្ធនាគារម្នាក់ៗរយៈពេល ២ឆ្នាំ តែអនុវត្តទោសម្នាក់ៗរយៈពេលត្រឹមតែ១០ខែ ប៉ុណ្ណោះ ទោសនៅសេសសល់ ត្រូវព្យួរទាំងអស់។ និងផ្តន្ទាទោស ឈ្មោះ សៀ រស្មី ភេទប្រុស អាយុ ២៥ឆ្នាំ ឈ្មោះ សុខ ស្រ៊ុន ភេទប្រុស អាយុ៣៣ឆ្នាំ និង ឈ្មោះ យូ យីម ភេទប្រុស អាយុ ៤៥ ឲ្យជាប់ពន្ធនាគារម្នាក់ៗ រយៈពេល ៥ ឆ្នាំ តែអនុវត្តទោសម្នាក់ៗ រយៈពេលត្រឹមតែ១ឆ្នំា ប៉ុណ្ណោះទោសនៅសេសសល់ ត្រូវព្យួរទាំងអស់»។
ប្រភពពី ភ្នំពេញប៉ុស្តិ៍
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
