ភ្នំពេញ ៖ សមាជិក សមាជិកា គណបក្ស ប្រជាជន មកពីខណ្ឌដូនពេញ និងខណ្ឌឫស្សី កែវ ជាង ១០នាក់ បានរងរបួស ខ្លះបែក ក្បាល និងត្រូវចំដងខ្លួន ក្រោយពីសមាជិក របស់គណបក្សប្រជាជន និងគណបក្ស សង្គ្រោះជាតិ បានប៉ះគ្នាមួយប្រាវដោយគប់ ដបទឹកសុទ្ធ និងគប់ដុំថ្ម ពីសមាជិកគណ បក្សសង្គ្រោះជាតិ នៅវេលាម៉ោងប្រមាណ ៣រសៀល ថ្ងៃទី១៩ ខែកក្កដា ឆ្នាំ២០១៣ នេះ ។
សេចក្ដីរាយការណ៍ ពីកន្លែងកើតហេតុ បានឱ្យដឹងថា នៅវេលាម៉ោង ៣រសៀលថ្ងៃ ទី១៩ ខែកក្កដា នេះ ខណៈដែលសមាជិក គណបក្សប្រជាជន ខណ្ឌដូនពេញ ដែលបើក ការប្រគំតន្ដ្រី នៅមុខនាឡិកា នៃរមនីយ ដ្ឋានវត្ដភ្នំ និងមានការចូលរួមរាំកំសាន្ដពី សមាជិក គណបក្សប្រជាជនមកពីខណ្ឌចំនួន ៣ រួមមាន ខណ្ឌមានជ័យ ខណ្ឌសែនសុខ និងខណ្ឌឫស្សីកែវ ស្រាប់តែគាប់ជួននឹង សមាជិកគណបក្សសង្គ្រោះជាតិ នាំគ្នាទៅ ផ្ទះក្រោយពីជួបលោក សម រង្ស៊ី រួចមក នោះ ក៏ប៉ះទង្គិចគ្នាតែម្ដង ។
បើតាមសេចក្ដីរាយការណ៍ ពីកន្លែង កើតហេតុ ខណៈដែលសមាជិកគណបក្ស ប្រជាជន កំពុងរាំលេងសប្បាយស្រាប់តែ មានសមាជិក គណបក្សសង្គ្រោះជាតិដែល ឈរក្បែរនោះ ដើរសសៀៗមកក្បែរក្រុម គណបក្សប្រជាជន រួចហើយយកដបទឹក សុទ្ធគប់ទៅលើសមាជិកខ្លួនឯង ។ពេលនោះ សមាជិកគណបក្សសង្គ្រោះជាតិ គិតថា សមាជិកគណបក្សប្រជាជន ជាអ្នកគប់ក៏ បានគប់មកវិញ ហើយក៏នាំគ្នាគប់ទៅវិញ ទៅមក ប៉ុន្ដែ ពេលនោះសមាជិកគណបក្ស សង្គ្រោះជាតិ បែរជាយកដុំថ្មគប់មកលើ សមាជិក គណបក្សប្រជាជនបណ្ដាលឱ្យរង របួសធ្ងន់ស្រាលតែម្ដងជាង ១០នាក់ ក្នុង នោះ សមាជិករបស់ខណ្ឌដូនពេញ ៥នាក់ និងខណ្ឌឫស្សីកែវជិត ១០នាក់ ។ក្រោយពេលមានបញ្ហានេះកើតឡើង កម្លាំងសមត្ថកិច្ចបានជួយអន្ដរាគមន៍ និង បំបែកកុំឱ្យមានការប៉ះទង្គិចគ្នាបន្ដទៀត ៕
ប្រភពពីៈ ដើមអម្ពិល
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
