រាជធានីភ្នំពេញ៖ បុរសម្នាក់បើករថយន្តឡិចស៊ីស៤៧០ ពណ៌ខ្មៅ ពាក់ស្លាកលេខ ភ្នំពេញ 2T 0090 បើកលឿនពេក ដល់ចំណុចផ្លូវកោងបួងចង្កូតមិនទាន់ជ្រុលទៅបុកខឿនចិញ្ចើមផ្លូវ
ហើយជ្រុលទៅបុករបាំងថ្មដាក់បាំងនៅក្រោមស្ពានអាកាស៧មករា បាក់អស់មួយកង់ រថយន្តនៅមិនទាន់អស់ល្បឿនទៀត ហោះទៅបុកខឿនសួនច្បារបាក់បែកអស់ជាច្រើនកង់ ។ ហេតុការណ៍នេះកើតឡើងនៅវេលាម៉ោង១១និង៤៥នាទី យប់ថ្ងៃទី១៧ កក្កដា នៅក្រោមស្ពានអាកាស៧មករា
តាមមហាវិថីកម្ពុជាក្រោម ក្នុងសង្កាត់ទឹកល្អក់ទី១ ខណ្ឌទួលគោក ។
តាមមហាវិថីកម្ពុជាក្រោម ក្នុងសង្កាត់ទឹកល្អក់ទី១ ខណ្ឌទួលគោក ។
ប្រភពព័ត៌មានពីសមត្ថមិច្ចគោលដៅស្ពានអាកាស៧មករាបានឲ្យដឹងថា រថយន្តបង្កខាងលើបើកលឿនពេក តាមមហាវិថីកម្ពុជាក្រោមក្នុងទិសដៅពីកើតទៅលិច ខណៈមកដល់ចំណុចខាងលើជាផ្លូវកោង រថយន្តបត់ស្តាំបួងចង្កូតខ្លំាងពេកបានជ្រុលទៅបុកខឿនចិញ្ចើមផ្លូវធ្វើឲ្យខូចខាតតិចតួច ហើយរថយន្តជ្រុលទៅបុករបាំងថ្មដាក់បាំងនៅក្រោមស្ពាន បណ្តាលឲ្យបាក់អស់មួយកង់ រថយន្តបង្កនៅតែមិនទាន់អស់ល្បឿនបានផ្លោងទៅបុក ខឿនសួនច្បារធ្វើឲ្យបែកខូចខាតអស់ជាច្រើនកង់ទៀត ធ្វើឲ្យអ្នកជិះក្នុងរថយន្ត២នាក់ រងរបួសស្រាល ។
ក្រោយពេលកើតហេតុ អ្នកបើកនិងរថយន្តដែលរងការខូចខាតយ៉ាងដំណំ ត្រូវនគរបាលចរាចរណ៍ឃាត់យកទៅធ្វើការដោះស្រាយ នៅការិយាល័យនគរបាលចរាចរណ៍ផ្លូវគោក ៕
ប្រភពៈ អង្គរធំមេឌា
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
