ខេត្តបន្ទាយមានជ័យ ៖ បុរសសង្ស័យម្នាក់ដែលលួងលោមក្មេងស្រីអាយុ១០ឆ្នាំពីរនាក់ ដឹកយកទៅរំលោភបានសម្រេច និងម្នាក់ទៀតមិនបានសម្រេច នៅលើភ្នំស្វាយស្ថិតនៅភូមិអូរអំបិល សង្កាត់អូរអំបិល ក្រុងសិរីសោភ័ណ កាលពីព្រឹកថ្ងៃទី១៩ ខែកក្កដា ឆ្នាំ២០១៣ បែកការណ៍ដល់នគរបាលក្រុងសិរីសោភ័ណ និងមានការសម្របសម្រួលពីលោក ផាន់ ភីរម្យ ព្រះរាជអាជ្ញារងអមសាលាដំបូងខេត្ត ចាប់ឃាត់ខ្លួនបញ្ជូនមកអធិការដ្ឋាននគរបាលក្រុង ដើម្បីយកមកសាកសួរ ចាត់ចែងតាមនីតិវិធីច្បាប់។ លោកវរសេនីយ៍ត្រី ស៊ីវ សុជាតិ អធិការនគរបាលក្រុងសិរីសោភ័ណ បានឲ្យដឹងថា បុរសសង្ស័យមានឈ្មោះ វ៉ាន់ វី អាយុ៣២ឆ្នាំ រស់នៅភូមិស្លក្រាម សង្កាត់ស្លក្រាម ក្រុង សៀមរាប ខេត្តសៀមរាប ហើយមកស្នាក់នៅតាមវត្ត នៅក្នុងក្រុងសិរីសោភ័ណ។ លោកអធិការបានបន្តឲ្យដឹងថា សមត្ថកិច្ចធ្វការចាប់ឃាត់ខ្លួនជនសង្ស័យ បាន គ្រាដែលប្រជាពលរដ្ឋនៅចំណុចខាងលើ បានឃើញហើយរាយការណ៍មកសមត្ថកិច្ច បុរសសង្ស័យ ឈ្មោះ វ៉ាន់ វី ដឹកក្មេងស្រីតូចម្នាក់ តាមម៉ូតូឌុប ហើយចុះបណ្តើរ បម្រុងឡើង ទៅលើភ្នំ ខណៈនោះសមត្ថកិច្ចបានទៅដល់ក៏ធ្វើការចាប់ឃាត់ខ្លួនជនសង្ស័យតែម្តង។ លោកអធិការបានបន្តឲ្យដឹងទៀតថា ជនសង្ស័យឈ្មោះ វ៉ាន់ វី បានលួងលោមក្មេង ស្រីកំពុងតែនៅរៀនក្នុងសាលាបឋមសិក្សាព្រះពន្លា សង្កាត់ព្រះពន្លា ដោយនិយាយលួង លោមក្មេងស្រីនោះ ឲ្យទៅជាមួយខ្លួន ដោយបើកសៀវភៅភូតកុហករូបគេជាគ្រូបង្រៀន។ លោកអធិការបានបន្តឲ្យដឹងទៀតថា ជនសង្ស័យឈ្មោះ វ៉ាន់ វី កាលពីថ្ងៃទី២៩ ខែ ឧសភាកន្លងទៅ បានលួងលោមក្មេងស្រីអាយុ១០ឆ្នាំ កំពុងរៀនសាលាបឋមសិក្សាកំពង់ ស្វាយ សង្កាត់កំពង់ស្វាយ នាំចេញយកទៅរំលោមបានសម្រេចនៅលើភ្នំស្វាយ បានម្នាក់ដោយម្នាក់ទៀតមិនបានរំលោភនោះទេ ប៉ុន្តែជនសង្ស័យបានដោះយកក្រវិលមួយគូទម្ងន់០៣ហ៊ុន ហើយក៏រត់គេចខ្លួនបាត់ ដោយបុរសសង្ស័យប្រើវិធីលួងលោមភូតកុហកដូចក្មេងស្រីខាងលើផងដែរ។លុះនៅថ្ងៃកើតហេតុខាងលើ បុរសសង្ស័យបានមកលួងលោមក្មេងស្រីម្នាក់ទៀត ចេញពីសាលារៀនព្រះពន្លា ហើយត្រូវសមត្ថកិច្ចចាប់ឃាត់ខ្លួនតែម្តង ។ នៅចំពោះមុខសមត្ត កិច្ចជនសង្ស័យ ឈ្មោះ វ៉ាន់ វី បានឆ្លើយ សារភាពថា រូបគេពិតជាបានធ្វើសកម្មភាពប្រ ព្រឹត្តបទល្មើសទាំង០២ ករណី ពិតប្រាកដមែន ។ នៅរសៀលថ្ងៃទី២០ ខែកក្កដា ឆ្នាំ២០១៣ នគរបាលក្រុសិរីសោភ័ណ បានកសាងសំណុំរឿងបញ្ជូនខ្លួនទៅការិយាល័យជំនាញស្នងការ ដ្ឋាននគរបាលខេត្ត ដើម្បីយកទៅចាត់ការតាមនីតិវិធីច្បាប់ ៕
ប្រភពព័ត៌មានពី៖ នគវត្ត
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
