បុរសជនជាតិចិនម្នាក់ត្រូវបានគេដាក់រហ័សនាមថា ជាអ្នកប្រព្រឹត្តបទឧក្រិដ្ឋផ្លូវភេទ នៅក្នុងប្រទេសចិន ត្រូវបានកាត់ទោសប្រហារជីវិតពីបទចាប់រំលោភ និងលូកលាន់ទៅលើក្មេងស្រីតូចៗ ដែលខ្លួនបានប្រព្រឹត្តនៅចន្លោះឆ្នាំ ២០០៨ ដល់ ២០១២។
បុរសម្នាក់នេះមានឈ្មោះ Zhang Qinghai ជាកម្មកររ៉ែធ្យូងថ្ម ត្រូវបានរកឃើញមានទោសពីបទបានរំលោភក្មេងស្រី ២នាក់ ដែលមានអាយុ ៧ឆ្នាំ និង ៩ឆ្នាំ ដែលត្រូវបានកាត់ទោសនៅតុលាការនៅភាគខាងកើតក្នុងខេត្ត Anhui នៃប្រទេសចិន។
Zhang ក៏ត្រូវមានទោសពីបទលូកលាន់ ក្មេងស្រី៤នាក់ផ្សេងទៀតផងដែរ ដែលក្មេងស្រីអាយុតិចជាងគេក្នុងចំណោមនោះ គឺមានអាយុ ៥ឆ្នាំ។ តុលាការបាននិយាយថា អ្នកប្រព្រឹត្តបទឧក្រិដ្ឋផ្លូវភេទនេះ ក៏បានថតរូបអាក្រាតកាយរបស់ក្មេងស្រីជាច្រើននាក់ផងដែរ។
Zhang បានតាំងចិត្តប្រព្រឹត្តបទល្មើសនេះនៅចន្លោះឆ្នាំ ២០០៨ ដល់ ២០១២។ គាត់បានល្បួងក្មេងស្រីទាំងនោះដោយយកលេសជាការទិញ សូដា ឬក៏ខ្មៅដៃអោយពួកគេ ហើយក៏បានប្រព្រឹត្តបទឧក្រិដ្ឋកម្មនេះបន្ទាប់ពីគាត់បាននាំពួកគេទៅច្រកផ្លូវដ៏ស្ងាត់ដើម្បីងាយស្រួលក្នុងការរំលោភ និងលូកលាន់៕
ប្រភពដើមពីៈ HappyCambodia
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
