មជ្ឈមណ្ឌលប្រកាសអាសន្នកោះ តៃវ៉ាន់បានប្រកាសអាសន្ននៅទូទាំងកោះ អំពីខ្យល់ព្យុះជាទ្រង់ទ្រាយធំ បានបក់ បោកចូលដល់កោះនេះនាព្រឹកថ្ងៃទី១៣ កក្កដា ដែលមានឈ្មោះ Soulik បណ្ដាលឱ្យមនុស្សម្នាក់បាត់បង់អាយុជីវិត និង រាប់ពាន់នាក់ត្រូវភៀសខ្លួនជាបន្ទាន់ ។
តាមរបាយការណ៍នៃមជ្ឈមណ្ឌល ប្រកាសអាសន្នកោះតៃវ៉ាន់បញ្ជាក់ថា ប៉ូលិសម្នាក់នៅទីក្រុងតៃប៉ិ បាត់បង់ជីវិត ពេលខ្យល់ព្យុះចូលមកដល់ដីគោក ។ ក្នុងពេលជាមួយគ្នានោះពលរដ្ឋប្រមាណ ៥ពាន់នាក់ផ្សេងទៀតនៅតំបន់ភាគខាង ត្បូងត្រូវភៀសខ្លួនជាបន្ទាន់ ដោយភ័យ ខ្លាចភ្លៀងធ្លាក់ខ្លាំងបង្កឱ្យបាក់ដី ។
បណ្ដាសាលារៀន ទីតាំងសំខាន់ៗ នានាត្រូវបិទទ្វារ ។ ខ្យល់ព្យុះបានធ្វើឱ្យ ចរាចរនានានៅតៃវ៉ាន់ត្រូវជាប់គាំងទាំង ស្រុង ។ ក្រុមហ៊ុនអាកាសចរណ៍តៃវ៉ាន់ China Ariline បានលុបចោលជើងហោះ ហើររហូតដល់១១៣ជើង ។
កន្លងមកតៃវ៉ាន់ទទួលរងការវាយ ប្រហារដោយខ្យល់ព្យុះរាប់មិនអស់ ក្នុង នោះមានខ្យល់ព្យុះមរកត កាលពីខែ សីហា ២០០៩ សម្លាប់មនុស្ស៦០០ នាក់ ។ ក្រុមអ្នកឯកទេសវាយតម្លៃថា ខ្យល់ ព្យុះ Soulik មានល្បឿនខ្យល់លឿនដូច ខ្យល់ព្យុះ Herb ឆ្នាំ១៩៩៦ សម្លាប់មនុស្ស ៥១នាក់ និង២២នាក់បាត់ខ្លួន ៕
ប្រភពៈ នគរវត្ត
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
