ប្រព័ន្ធផ្សព្វផ្សាយបានរាយការណ៍ថា ស្ត្រីជនជាតិអូស្ត្រាលីដែលរស់នៅក្នុងក្រុង ស៊ីដនី ត្រូវបានកាត់ទោសអោយជាប់ពន្ធនាគាររយៈពេល ១៦ឆ្នាំ ពីបទសំលាប់កូនស្រីបង្កើតរបស់ខ្លួនដែលមានអាយុ ៦ឆ្នាំ។
ជនជាប់ចោទមានឈ្មោះថា Kristi Abrahams អាយុ ៣០ឆ្នាំ ត្រូវបានកាត់ទោសដោយតុលាការកំពូលនៅក្នុងទីក្រុង ស៊ីដនី កាលពីថ្ងៃព្រហស្បតិ៍ ពីបទសំលាប់កូនស្រីដែលមានឈ្មោះថា Kiesha កាលពីឆ្នាំ ២០១០។
សារពត៌មាន ABC បានរាយការណ៍ថា សាកសពរបស់ Kiesha ត្រូវបានគេរកឃើញនៅក្នុង bushland ស្ថិតនៅភាគខាងលិចទីក្រុង ស៊ីដនីនៅដើមឆ្នាំ ២០១១។ ៨ខែក្រោយមក សាកសពរបស់នាងត្រូវបានរាយការណ៍ថាបានបាត់។
បន្ទាប់ពី Kiesha ស្លាប់ Abraham និងដៃគូររបស់ Abraham មានឈ្មោះថា Robert Smith បានទុកសាកសពរបស់ Kiesha នៅក្នុងវ៉ាលីមួយអស់រយៈពេល ៣ថ្ងៃ មុនយកទៅបោះចោល។ Smith ត្រូវជាប់គុករយៈពេល ១២ឆ្នាំ ដែលគាត់មានជាប់ពាក់ព័ន្ធនៅក្នុងការស្លាប់របស់ Kiesha៕
ប្រភពៈ News4kh
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
