ភ្នំពេញ: កុមារីអាយុ៦ឆ្នាំម្នាក់ ត្រូវបានរថយន្តដឹកទឹកកក បុកដួលកិនក្បាល កល់ជាប់ក្រោមរថយន្តប៊ិះស្លាប់ កាលពីវេលាម៉ោង៨ និង៣០នាទីព្រឹក ថ្ងៃទី១២ខែកក្កដា ឆ្នាំ២០១៣ នៅតាមបណ្តោយផ្លូវបេតុង ភូមិតាងួន សង្កាត់កាកាប ខណ្ឌពោធិសែនជ័យ។
ស្រីឈ្មោះស៊ុន ធារ៉ា អាយុ៤០ឆ្នាំ ជាម្តាយក្មេងកុមារីរងគ្រោះ បាននិយាយថា បានដឹកកូនស្រីទៅរៀនតាមផ្លូវបេតុង ពីលិចទៅកើត មកដល់ផ្លូវបំបែកជាបួន ក៏បានឈប់ ស្រាប់តែមានរថយន្តដឹកទឹកកក បើកពីត្បូងទៅជើង បុកទាំងកំរោលតែម្តង ហើយរថយន្តបានកិនក្បាលកូនស្រី កល់ជាប់ពីក្រោមរថយន្ត ហើយក៏រថយន្តបានឈប់។
ស្រីឈ្មោះស៊ុន ធារ៉ា បានបន្តថា “ក្នុងពេលនោះ បើរថយន្តមិនឈប់ទេ ច្បាស់ជាកិនកូនស្រីស្លាប់ជាមិនខានឡើយ”៕
ប្រភព CEN
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
