ក្រុងសេអ៊ូល : ពិតជាពិបាកនឹងជឿណាស់ថា ស្រ្តីកូរ៉េខាងត្បូងដ៏សិចស៊ី និងសាច់សខ្ចីល្វក់ម្នាក់នេះជាអ្នកម្ដាយកូនពីរដែលមានវ័យដល់ទៅ៤៦ឆ្នាំហើយនោះ! នេះជារឿងរ៉ាវពិតដែលធ្វើឲ្យមនុស្សទូទាំងពិភពលោកភ្ញាក់ផ្អើលបំផុត ខណៈស្រ្តីឈ្មោះជុង ដាយឿន មានវ័យជិត៥០ឆ្នាំទៅហើយប៉ុន្តែគាត់បែរជាមានមុខមាត់សាច់ឈាមក្មេងខ្ចីស្អាតដូចយុវតីវ័យ១៦ឆ្នាំបីដូចបុប្ផាក្រពុំទាក់ទាញហ្វូងកន្លង់ឈាមរាវទាំងឡាយឲ្យក្រេបលម្អងផ្កា។
អ្នកស្រី ជុង ដាយឿនគឺជាអ្នកម្តាយមួយរូបដែលនិយមការហាត់ប្រាណរក្សារាងណាស់ដូច្នេះបានជាគាត់មានដងខ្លួនសិចស៊ី។ការហាត់ប្រាណជាប្រចាំនេះហើយដែលគាត់ជឿថា ជាគន្លឹះធ្វើឲ្យគាត់នៅរក្សារាងរៅដងខ្លួនសាច់ឈាម និងសម្រស់ក្មេងជាងវ័យដល់ទៅ៣០ឆ្នាំឯណោះ។
ដើមឡើយ អ្នកស្រីជុង ដាយឿនមិនមានរូបរាងដូចបានឃើញនេះឡើយ។ កាលពីឆ្នាំ២០០៣បន្ទាប់គាត់សម្រាលបានកូន២នាក់មក គាត់បានឡើងទម្ងន់ស្រឺតៗដល់ទៅ៧០គីឡូក្រាមដែលធ្វើឲ្យគាត់មានរូបរាងចាស់ដូចស្រ្តីជាម្តាយដទៃដែរ។
យោងតាមរបាយការណ៍នានារបស់សារព័ត៌មានបានឲ្យដឹងថានាថ្ងៃមួយអ្នកស្រី ជុង ដាយឿនដែលមានរូបរាងធាត់ទ្រលុកទ្រលន់នោះ ស្រាប់តែភ្ញាក់ខ្លួន ព្រើត ហើយចាប់ផ្ដើមឆ្លុះកញ្ចក់ដោយអារម្មណ៍ តក់ស្លុតនឹងរាងរៅដ៏អាក្រក់របស់ខ្លួនហើយគាត់ក៏ស្រាប់តែប្ដេជ្ញាយ៉ាងមុតមាំនឹងខ្លួនឯងថា នាងនឹងតមអាហារ ហើយហាត់ប្រាណដើម្បីសម្រកទម្ងន់ឲ្យមានរាងសិចស៊ីទាល់តែបាន។
យ៉ាងណាមិញអ្នកស្រីជុង ដាយឿនបានប្រាប់សារព័ត៌មានWall Street Journalថាកាលនោះគាត់ប្ដេជ្ញាក្នុងការសម្រកទម្ងន់ដើម្បីកាត់បន្ថយរោគឈឺឆ្អឹងខ្នងទៅវិញ។
ជាមួយនឹងការតមអាហារហើយហាត់ប្រាណឥតស្រាកស្រាន្តរយៈពេល៣ខែ អ្នកម្ដាយកូនពីររូបនេះអាចសម្រកទម្ងន់បានដល់ទៅ២០គីឡូក្រាម។
បន្ទាប់មកអ្នកស្រីក៏ចាប់ផ្ដើមបង្ហោះរូបថតដែលមានដងខ្លួនសិចស៊ីដូចយុវតី ដែលរូបនេះបានធ្វើឲ្យគាត់ល្បីសុសសាយពេញប្រទេសកូរ៉េខាងត្បូងតែម្តង។ ស្រ្តីមេផ្ទះទាំងឡាយនៅកូរ៉េខាងត្បូងបានយកអ្នកស្រីធ្វើជាគំរូ ដោយបានចាប់ផ្តើមប្រតិបត្តិនូវរូបមន្តសម្រករាងដែលលោកស្រីជុង ដាយឿនបានធ្វើដើម្បីឲ្យពួកគេមានដងខ្លួនស្អាតក្មេងជាងវ័យ។
រូបថតរបស់អ្នកស្រីជុង ដាយឿនក៏ត្រូវបានគេចុះផ្សាយតាមប្រព័ន្ធទូរទស្សន៍សៀវភៅនិងវីដេអូព្រោងព្រាងតែម្ដង។ ស្រ្តីវ័យ៤៦ឆ្នាំនៅចាំសាច់ដូចក្មេងស្រី១៦ឆ្នាំរូបនេះក៏មានឈ្មោះល្បីសាយភាយតាមខ្យល់ទៅដល់ប្រទេសជប៉ុនទៀតផងតាមរយៈវីដេអូនៃកម្មវិធីហ្គេមហាត់ប្រាណមានឈ្មោះថាNintendo Wiiនិងកម្មវិធីអប់រំកាយនៃការបង្ហាត់បង្រៀនរបស់អ្នកជំនាញផ្នែកកាយសម្បទានោះ។
ក្រៅពីការផ្លាស់ប្ដូររាងរៅពីធាត់មកជាស្លីមនិងសិចស៊ីបំផុតនោះ អ្នកស្រី ជុង ដាយឿនក៏ប្រែក្លាយជីវភាពមករស់នៅយ៉ាងហ៊ឺហារផងដែរ ខណៈដែលកេរ្តិ៍ឈ្មោះរបស់គាត់បានហៅទ្រព្យសម្បត្តិឲ្យចូលផ្ទះរហូតដល់ធ្វើឲ្យគាត់ក្លាយជាសេដ្ឋីនីមួយរូប។
អ្នកស្រីបាននិយាយថា ជោគជ័យក្នុងការសម្រកទម្ងន់នេះមិនមែនដោយសារតែអ្នកស្រីមានហ្សែនសាច់ចាំនោះទេ ប៉ុន្តែមកពីគាត់ព្យាយាមហាត់ប្រាណតាមបែបអាស៊ី។
គ្រូបង្រៀនក្បាច់ហាត់ប្រាណសម្រកទម្ងន់រូបនេះបានឲ្យដឹងថា ស្ត្រីអាស៊ីខុសពីនារីអឺរ៉ុប ព្រោះពួកគេគ្រាន់តែចង់ហាត់ប្រាណសម្រកទម្ងន់ ប៉ុន្តែមិនចង់ឲ្យឡើងសាច់ដុំនោះទេ។
សព្វថ្ងៃអ្នកស្រី ជុង ដាយឿន កំពុងតែបន្តបើកសាខាសាលាបង្រៀនហាត់ប្រាណសម្រកទម្ងន់ជុំវិញទ្វីបអាស៊ី ដែលអាជីវកម្មនេះកំពុងតែកាក់កបបំផុត៕ PR
ប្រភព៖ postkhmer
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
