ខេត្ដកំពង់ចាម ៖ កម្លោះកូន១ដែល គ្រោងនឹងរៀបអាពាហ៍ពិពាហ៍ជាមួយ គូស្រកថ្មីនៅថ្ងៃទី១៤ ខែកក្កដា ឆ្នាំ ២០១៣ខាងមុខនេះ មិនរំពឹងថា ប្រព្រឹត្ដ ទៅដោយរលូនក្នុងការទទួលពរជ័យ សិរីមង្គលនោះទេ ខណៈប្រពន្ធដើមរបស់ កម្លោះកូន១បង្ខំចិត្ដពរកូនពីខេត្ដរតនគិរី មកស្វែងរកការអន្ដរាគមន៍ពីសមត្ថកិច្ច និងអាជ្ញាធរខេត្ដកំពង់ចាមដើម្បីឱ្យប្ដី ដែលត្រៀមរៀបការគូថ្មីនោះទទួលស្គាល់ កូននិងផ្ដល់អាហារកិច្ច ។
ស្ដ្រីឈ្មោះ ណូ សូលីដា អាយុ២៥ឆ្នាំ មានទីលំនៅភូមិ១ ឃុំឡាមីញ ស្រុកបកែវ ខេត្ដរតនគិរីបានឱ្យដឹងថា ខ្លួនបានរៀប អាពាហ៍ពិពាហ៍ស្របបច្បាប់ជាមួយប្ដី ឈ្មោះ ឡេង រតនា អាយុ៣០ឆ្នាំ ដែល មានកូនប្រុសម្នាក់អាយុ៣ឆ្នាំ ប៉ុន្ដែ ស្វាមីរបស់ខ្លួន បែរជាសុំច្បាប់អាពាហ៍ ពិពាហ៍ជាមួយនឹងនារីម្នាក់នៅខេត្ដកំពង់ ចាម ដែលនឹងប្រព្រឹត្ដទៅនៅថ្ងៃទី១៤ ខែ កក្កដា ឆ្នាំ២០១៣ ហើយប្ដីរបស់គាត់ បដិសេធមិនទទួលស្គាល់ខ្លួននិងកូនដោយ លើកហេតុផលថា ទោះជារូបគេបាន រៀបអាពាហ៍ពិពាហ៍ស្របច្បាប់និងមាន ដល់កូនក៏ដោយ ប៉ុន្ដែពួកគេទាំង២នាក់ មិនបានចុះបញ្ជីអត្រានុកូលដ្ឋាននៅឃុំ ទើបអាពាហ៍ពិពាហ៍របស់គេគ្រាន់តែជា ពិធីជប់លៀងជួបជុំបងប្អូនញាតិមិត្ដផៅ សណ្ដានប៉ុណ្ណោះ ។
ស្ដ្រី ណូ សូលិដា បានបន្ដថា ប្ដីរបស់ គាត់មិនត្រឹមតែមិនទទួលស្គាល់ខ្លួនដែល ជាប្រពន្ធនិងកូនអាយុ៣ឆ្នាំប៉ុណ្ណោះទេ បើតាមគាត់ដឹង ថែមទាំងទៅដាក់ពាក្យ បណ្ដឹងនៅសាលាដំបូងខេត្ដកំពង់ចាមឱ្យ ចេញដីកាសម្រេចរក្សាការពាររោងការ ដែលប្រព្រឹត្ដទៅនៅថ្ងៃទី១៤ ព្រោះដឹង ថា ប្រពន្ធនិងកូនទៅស្វែងរកការអន្ដរា គមន៍ដល់រោងការដើម្បីឱ្យលោកប្ដីកម្លោះ កូន១ទទួលស្គាល់កូននិងផ្ដល់អាហារកិច្ច។
ស្ដ្រីដ៏កម្សត់រូបនេះបានបញ្ជាក់ថា មិនមែនខ្លួន មិនបានទៅចុះបញ្ជីអត្រានុ កូលដ្ឋាននៅសាលាឃុំនោះទេ ការពិត លោកប្ដីក៏អាចដឹងដែរ ថាតើធ្លាប់បាន ទៅសាលាឃុំប៉ុន្មានលើកដែលស្ម័គ្រចិត្ដ ទៅចុះបញ្ជីអត្រានុកូលដ្ឋាន ប៉ុន្ដែលោក មេឃុំឡាមីញបានប្រាប់ពួកគាត់ថា មិន ទាន់មានសៀវភៅបញ្ជីអត្រានុកូលដ្ឋាន ទើបអ្នកទាំង២មិនបានបំពេញកាតព្វកិច្ច ជាអាពាហ៍ពិពាហ៍ស្របច្បាប់ ។ ដោយ ឡែកមេឃុំឡាមីញ ស្រុកបកែវក៏ទទួល ស្គាល់ផងដែរ ថាខ្លួនបាននាំគ្នាទៅចុះ បញ្ជីអត្រានុកូលដ្ឋាន ហើយមិនទាន់មាន សៀវភៅបញ្ជីអត្រានុកូលដ្ឋាននោះមែន ព្រមទាំងចេញលិខិតបញ្ជាក់ទៀតថា គេ ទាំង២នាក់ពិតជាបានរៀបអាពាហ៍ពិពាហ៍ ស្របច្បាប់ ។
បើទោះជាលោកប្ដីកម្លោះកូន១មិន ទទួលស្គាល់កូននិងខ្លួនជាភរិយា ហើយ រៀបការជាមួយគូស្រករថ្មីនៅថ្ងៃទី១៤ ខែកក្កដា នឹងមានដីកាសម្រេចរក្សាការ ពារចេញដោយចៅក្រមសាលាដំបូង ខេត្ដកំពង់ចាមក៏ដោយ ស្ដ្រីរូបនេះបាន បញ្ជាក់ថា ជម្រើសរបស់ខ្លួនត្រូវតែបង្ខំ ចិត្ដយកកូនអាយុ៣ឆ្នាំដែលពុំទាន់ដឹងក្ដី នេះទៅដល់រោងការ និងសុំអន្ដរាគមន៍ពី អាជ្ញាធរនិងសមត្ថកិច្ចនៅទីនោះ ។
ការសម្រេចចិត្ដពីភរិយាដើមបែបនេះ ទើបគេព្រួយបារម្ភផងដែរថា មង្គលការរបស់កម្លោះកូន១ដែលនឹងប្រព្រឹត្ដ ទៅនៅថ្ងៃទី១៤ ខែកក្កដា ឆ្នាំ២០១៣ អាចនឹងធ្វើឱ្យភ្ញៀវមួយចំនួនរត់ជាន់ជើងគ្នា និងខ្លះទៀតក្ដីសប្បាយក្លាយជាទុក្ខក៏ អាចថាបាន ។
ពាក់ព័ន្ធនឹងការលើកឡើងពីស្ដ្រីខាង លើថា ប្ដីរបស់ខ្លួនចុះចេញពីផ្ទះទៅសុំ ច្បាប់អាពាហ៍ពិពាហ៍ជាមួយនារីថ្មីនោះ នគរវត្ដមិនអាចទាក់ទងបានទេ ពីភាគី ខាងកម្លោះកូន១ កាលពីរសៀលថ្ងៃទី១០ ខែកក្កដា ឆ្នាំ២០១៣ ដោយគ្មានលេខទូរស័ព្ទ ៕
ប្រភពពី៖ នគវត្ត
សំគាល់ៈ Read Khmer មិនមែនជាម្ចាស់ដើម នៃពត៌មាននេះទេ ។ ដូច្នេះយើងមិនទទួលខុសត្រូវលើពត៌មាននេះទេ ។ បើសិនជាមានបញ្ហាមិនប្រក្រតី ចុចត្រង់នេះ ដើម្បីទំនាក់ទំនងយើងខ្ញុំ ។
សូមជួយផ្តល់មតិ និង ចែករំលែក !
